بنلف فى دواير والدنيا بتلف بينا
ودايما بننتهى لمطرح ماابتدينا
طيور الفجر تايهة فى عتمة المدينة بتدور
مابنكتبش الرسايل مابننتظرش رد
لاحد فى يوم سمعنا ولابنسمع لحد
طيور العمر تايهة فى عتمة المدينة بتدور
ساكنين فى عالم يعشق الخطر
فيه الطيور بتهرب من الشجر
وتهرب النجوم من القمر
وتهرب الوجوه من الصور
بنلف فى دواير ندور على الأمان
وتلاقينا رجعنا تانى لنفس المكان
ندور .. ندور .. ندور
نحلم ونحلم بالحياة المفرحة
وأتارى أحلامنا بلا أجنحة
ندور.. ندور.. ندور
بجناح حزين مكسور
ساعات نشوف فى العتمة
وساعات نتوه فى النور
ساعات عيوننا بالأسى تفرح
وساعات فى ساعة الفرح منوحة
ولاحاضر ولاماضى
تروس بتلف ع الفاضى
لافينا شباب زعلان
ولافينا شباب راضى
مافيش غير اننا بندور بندور بندور
****************************
تعليقات